غنى يا قلبى

كلمات: أحمد شفيق كامل

لحن: كمال الطويل

غنا: عبد الحليم حافظ

انتاج: 1958

غنى ياقلبى وهنى الدنيا وقول مبروك

كبر البيت وتجمع شملك انت واخوك

قول للدنيا ده اجمل عيد مصر وسوريا انخلقوا جديد

غنى ياقلبى ... غنى ياقلبى

شلنا السور من بين جناينا كبر البيت وح يكبر اكتر

شوف يادنيا جمال وحدتنا شوف الخير ازاى ح يكتر

قول للدنيا ده اجمل عيد مصر وسوريا اتخلقوا جديد

غنى ياقلبى ... غنى ياقلبى

دم جدودنا جوه وجودنا كتب الوحدة بل ميلادنا

وحدة جرح وفرح وماضى وحدة تنور مستقبلنا

قول للدنيا ده اجمل عيد مصر وسوريا اتخلقوا جديد

غنى ياقلبى .. غنى ياقلبى

بين نسماتنا الحلوة الصافية غنى حمامها اجمل غنوة

طاير يهتف للحرية ويعيش زى ما يعجبه هو

قول للدنيا ده اجمل عيد مصر وسوريا اتخلقوا جديد

غنى ياقلبى .. غنى ياقلبى

فين الباقى يابيت اجدادى يللى مسافر يللى بعيد

بكره يعودوا قلبى ينادى رجعتهم لفجر العيد

قول للدنيا ده اجمل عيد مصر وسوريا اتخلقوا جديد

غنى ياقلبى .. غنى ياقلبى